ശ്രീകണ്ഠപുരം പഞ്ചായത്തു തല കിരണ് കലോത്സവം കോട്ടൂര് എ.യു.പി സ്കൂളില് വച്ച് നടന്നു. 15 കിരണ് പാഠശാലകളില് നിന്ന് 60 പഠിതാക്കള് മത്സരത്തില് പങ്കെടുത്തു. നാടന് പാട്ട്, കവിതാ പാരായണം, സാക്ഷരതാ ഗാനം, ക്വിസ്, കേട്ടെഴുത്ത്, പ്രസംഗം, എന്നീ ഇനങ്ങളിലായിരുന്നു മത്സരം. കാഞ്ഞിലേരി കിരണ് പാഠശാലയിലെ പി.ദേവി വ്യക്തി ഗത ചാമ്പ്യനായി.
ശ്രീകണ്ഠപുരം:30 ശതമാനം കൂലി വര്ദ്ധിപ്പിക്കുക, ഇന്ഷുറന്സ് പരിരക്ഷ നല്കുക, തുടങ്ങിയ ആവശ്യങ്ങള് ഉന്നയിച്ച് കരിങ്കല് തൊഴിലാളികള് അനിശ്ചിതകാല പണിമുടക്ക് ആരംഭിച്ചു. കരിങ്കല് വര്ക്കേഴ്സ് യൂണിയന്റെ നേതൃത്വത്തിലാണ് സമരം. പണിമുടക്കിയ തൊഴിലാളികള് ചേപ്പറമ്പില് പ്രകടനം നടത്തി. കെ.വി സുരേഷ്, കെ.ജെ ജയിംസ് എന്നിവര് സംസാരിച്ചു.
ശ്രീകണ്ഠപുരം പഞ്ചായത്ത് കേരളോത്സവം തുടങ്ങി. ബാസ്ക്കറ്റ് ബോള്, ഫുട്ബോള്, ട്രാക്ഫീല്ഡ്, എന്നിവയാണ് ഇനങ്ങള്, ബോളിബോള് മത്സരം ശനിയാഴ്ച കോട്ടൂര് പഞ്ചായത്ത് സ്റ്റേഡിയത്തിലും ഷട്ടില് ബാഡ്മിന്റണ് ശനിയാഴ്ച പഴയങ്ങാടി ഗ്രീന് സ്റ്റാര് ക്ലബ് പരിസരത്തും നടക്കും. ഞായറാഴ്ച കോട്ടൂര് യു.പി സ്കൂളിലാണ് കലാമത്സരം. കിരണ് പഠിതാക്കളുടെ കലോത്സവവും ഇതോടൊപ്പമുണ്ടാകും. തിങ്കളാഴ്ചയാണ് വടം വലി മത്സരം നടക്കുക.
